الفنان فضل شاكر يعود من جديد بأحدث أعماله الغنائية بعنوان "قال حب قال".

كتب أحمد عبد الحميد
طرح الفنان الكبير فضل شاكر عبر قناته الرسمية بموقع YouTube أحدث أعماله الغنائية بعنوان "قال حب قال".

وأغنية "قال حب قال" من كلمات عمرو المصري، ألحان عمرو الشاذلي، توزيع عمرو الخضري، وتعتبر الجزء الثاني من أغنية "ابقى قابلني"، التي طرحها فضل شاكر قبل عامين، وتجاوز عدد مرات الاستماع لها على قناته في YouTube أكثير من 80 مليون استماع.

وتقول كلمات أغنية "قال حب قال":

الف شكر ع اللي عشتوا اللي مفيهوش يوم سعاده
انتا استاذ ف الاسيه ايوه انا اشهدلك شهاده
تستحق عن جداره حامل الالقاب بجرحك
ضاع عليك العمر كله ومستفدتش استفاده

وادي اخرة صبري عليك وادي الباب اللي يودي
انا عشت معاك أيامى كأنى انا عشت لوحدي
وبناقص من معرفتك جت بخساره عليا

سلمتك قلبي امنتك وده شيء مش ف محله
واهي طلعت بقي عينتك م الناس اللي يقِلوا
وكمان ليك عين ترفعها وتبصلي ف عنيا

طب يالا يالا
وقت و خلص قال حب قال .. ده بطلناه
قولولو وهو ماشي ياخد الباب وراه
دانتا اللي زيك يتنسي
وانا قلبي جمدته وقِسى
خليك لوحدك امشي واتعب ف الحياه

لو لسه ف قلبي مكان عمره ما هيبقي عشانك
ابعد خليك تتعذب وتعيش مع احزانك
اديتك حب سنين ومخدتش غير اوجاع

علي فكره انا بعدك هبقي بخير اوي يعني اطمن
ده انت ف جراحي كنت بترسم وبتتفنن
وملكش خلاص جوايا غير اوجاع

ووداع الف شكر ع اللي عشتوا اللي مفيهوش يوم سعاده
انتا استاذ ف الاسيه ايوه انا اشهدلك شهاده
تستحق عن جداره حامل الالقاب بجرحك
ضاع عليك العمر كله ومستفدتش استفاده

يذكر أن آخر أغنية طرحها فضل شاكر كانت "بغيب بمزاجي"، من كلمات إيهاب عبد العظيم، إلحان عمرو الشاذلي، وتوزيع موسيقي عمرو الخضري.