أحمد السقا يثير الجدل فى مسلسل رامز ايفر وقطع رأس الثعبان
كتبت: عبيرسامي
الثعبان ده غير سام ولا يمتلك غدد سمية من الأساس وواضح من الصورة إنه من نوع " الأصلة" ولسه صغير عمره أيام وده ثعبان زينة وحجمه بيوصل أكتر من ٦ متر لما يكبر.
بخصوص الطريقة اللى قطع بيها السقا رأس الثعبان بقضمها بأسنانه معروفه عند كتير من الناس اللى بتتعامل مع الثعابين فى المخيمات والمعسكرات، في حالة عدم وجود أله حادة لقطع رأس الثعبان للقضاء عليه، والطريقة دى رغم إنها مقرفة عند البعض لكن مفيهاش ضرر على الشخص نفسه حتى لو الثعبان سام، وطبعاً مفيش دم وده طبيعي لأن الثعابين من الكائنات اللى دمها بارد وعلشان الدم يخرج لأزم يقلب جسمه ويعصره علشان الدم يخرج.
الثعابين من الكائنات الضارية ولكن قتلها بدون مبرر أمر غير منطقي خصوصاً لو من أجل الاستعراض
