فؤاد المهندس وعلاقته بالاطفال

فؤاد المهندس اتسأل في برنامج عن علاقته بالأطفال بعد فوازير "عمو فؤاد" قال:
ده انا بقيت اشيل فيشة التليفون مخصوص كل يوم قبل ما انام بسببهم ، كل العيال بيطلبوني يقولولي "عايزين عمو فؤاد" ، معرفش بيجيبوا نمرتي منين .. فيه واد من فترة قطع قلبي، طلبني في التليفون بالليل وهو منهار بيعيط قالي "انا هشام انت مش عارفني يا عمو فؤاد ؟!" ، قلتله "عارفك طبعا ، مالك يا هشام ؟!".. قالي "ماما مش عايزة تحط التسجيل بتاع عمو فؤاد وعمالة تحط التسجيل بتاع أم كلثوم" ، قلتله "طب اديني ماما يا حبيبي" .. كلمت الست وقلتلها "اعملي معروف حطي تسجيل عمو فؤاد وبلاش تسجيل أم كلثوم" ، قالتلي "يا أستاذ ده حاطط تسجيل الحلقة بتاعة عمو فؤاد من 5 صباحًا لحد نص الليل مش عارفين نسمع حاجة جنبه !" .. قلتلها "معلش عشان خاطري عشان الولد يبطل عياط ويبطل يرن على التليفون وعشان انا اعرف انام من فضلك شيلي الست وحطيني ! "