لماذا تزوج محي اسماعيل متأخرا في السن
-كتب عمرو السعيد
ليه اتجوزت وانت كبير في السن يا محيي ؟؟
=اجلت الجواز لحد ما أكون نفسي ماديا كويس ، وانا صغير كنت bodybuilding وعامل شعري بقى وحاجات فالبنات كانوا عليا كده بس كل بنت اقعد معاها تقولي "انت رايح فين ؟!" ، اقولها "عندي تصوير" .. تقولي "التصوير أهم مني ؟!!" ، اقولها "اه أهم منك هو اللي بيجيبلي القرش عشان اعزمك وأكل وادفع المصاريف" .. تقولي "كده ؟! والله ؟! ممممم يعني شغلك أهم مني !!" ، قلتلها "يا نهار اسـ. ـود انتي لسه بتسألي ؟! اه طبعا أهم منك" ، دي واحدة مثلا .. واحدة تانية نفس القصة والتالتة والرابعة كلهم نفس القصة وفي هذا الوقت الشقة من حق الزوجة ولو جبنا عيل واتطلقنا ورحنا محاكم خلاص ضعت وجيبي فاضي والموهبة ضاعت والشقة ضاعت وتبقى غمت عني الشمس ومش شايف حاجة خالص في الوجود فقلت وقتها كل ده اعمله في نفسي عشان واحدة ؟!! لا شكرا مش عايزها !
