وتشرح له:ا سبب طلاق مريم فخر الدين من فهد بلان
كتبت / نرمين عرفة
= لما اتجوزنا لقيت شغله كله طول الليل و في اخر الليل يجيب ملحنين معاه ، و انا شغلي بالنهار فلقيت انه مش هينفع خالص ، فقولتله احنا نأخد شقتين فوق بعض و كل واحد يقعد براحته و عملنا كدا
، ووقتها كان ابني من الدكتور الطويل و بنتي من محمود ذو الفقار عايشين معايا ، فيوم جاتلي بنتي من المدرسة تقولي ياماما يا انا يا فهد بلان في البيت ، قولتلها ليه قالتلي لان العيال في المدرسة بيجروا ورايا ويقولولي "و اشرحلها عن حالاتي" قولتلها و ماله يا حبيبتي دي أغنية حلوة ، قالتلي يا انا يا هو خلاص مش هينفع.
روحت لـ فهد قولتله العيال مش عايزينك قالي انا شو عملتلهم قولتله ماعملتش حاجة انت طيب بس هما مش عايزينك و انا أمهم و ما أقدرش اضايقهم ، قالي انا شو بدي اعمل ، قولتله عارف المأذون اللي عند بتاع البنزين ده فال اه اعرفه...قولتله.. روح طلقني عنده و هاتلي الورقة
، و الله ما اتكلمش ولا كلمة نزل أوام على المأذون و طلقني و جابلي الورقه منه علطول و هو على باب الشقة ، باسني من هنا ومن هنا و قالي (أستري عليا يامريم) يعني انا لو غلطت في حقك استري عليا ، بس الحقيقة انا ما سترتوش انا بقول أهو كل حاجة
