لو كان في هوليود كان بقي ليه شأن تاني
كتب / علي عز
الصورة اللي علي اليمين في مسلسل ذئاب الجبل و من غير ما تشوف المسلسل هتقول انه كان طالع بدور شرير جدا والصورة اللي علي الشمال في مسلسل المال والبنون هتحس انه كان طالع بدور شخص طيب جدا.
ومع إن المسلسلين كانو تقريبا في نفس الفترة الزمنية لكن الفنان ده من قوة أدائه و موهبته القديرة و تمكنه العالي من ادواته كممثل قدر يقنعنا انه شرير في ذئاب الجبل و في نفس الوقت قدر يقنعنا انه راجل طيب و مبيحبش الحرام في المال والبنون.
عارفين ان الفنان احمد عبد العزيز قال ايه عنه في احدى اللقاءات قال: انه لما كان بيمثل معاه في ذئاب الجبل كانت ركبه بتخبط في بعض من قوة أداء عبد الله غيث... والفنان أنتوني كوين قال قبل كدا عنه لما شاف اداء عبد الله غيث في فيلم الرسالة قال :انه الراجل ده لو كان في هوليود كان بقا لوه شأن تاني.
