الرئيس السيسي عن أزمة الدولار: «مطلوب مننا 3 مليار دولار شهريًا لتوفير الاحتياجات الأساسية»

كتب أحمد عبد الحميد
قال الرئيس عبدالفتاح السيسي، إن الحكومة طرحت رؤية لحل أزمة الدولار الحالية، موضحًا أن الدولة تقدم خدمات للمواطنين بالجنيه المصري في حين أنها تتحصل عليها بالدولار.
وأضاف خلال الاحتفال الـ72 بذكرى عيد الشرطة: «أنا ببقى محتاج أجيب سلع أساسية في الشهر بمليار دولار، طب أنا ببعيه للناس بإيه؟.. بيعه بالجنيه، طب عايز وقود بقد إيه، وده غير الرقم اللي مصر بتنتجه، بنتكلم في مليار دولار تاني».

وأوضح: «أنا بقول رقم ممكن يتحفظ، لكن يزيد شوية أو يقل شوية، ومحطات الكهرباء بتستهلك غاز يساوي مليار دولار»، مضيفًأ: «يبقى 3 مليار دولار مقدرش موفرهمش لأنها حاجات أساسية».

وتابع الرئيس: «الأرقام دي إذا مكنش الدولة المصرية بكل اللي فيها يعملوا على إن مواردنا من الدولار تبقى أكثر أو تساوي إنفاقنا، هيبقى دائمًا عندنا المشكلة دي».